Arantzazu ahalegin ezberdin eta askoren emaitza da:

• Aurrena, Jainkoaren eta Andre Mariaren bedeinkazioa
• Euskal Herriaren fede eder eta sendoa
• Anaia frantziskotarren era eta urte askotako jarduera saiatua
• Beste askoren maitasun eta laguntza estimagarria
• Naturaren erakarmen-indar paregabea
• Amets handien eta artista onen emaitza ikusgarria.

Guztien artean Arantzazu TOPAGUNE bihurtu dute:

• Fede topagune
• Kultur topagune
• Adiskideen topagune
• Mendizaleen topagune
• Artezaleen topagune
• Familien topagune

Eta Arantzazuk, bere aniztasunean, barru-barruko atsedena eskaintzen dio, arrazoi batengatik edo bestearengatik bertara datorrenari:

• fedea ospatu nahi duenak, elizkizun eta elkarte laguntzaileak aurkituko ditu
• kultur egarriz datorrenak, liburutegi jantzia, idazle, euskaltzale eta musikari askoren lana
• adiskide bila datorrenak, Arantzazuko Adiskideen Elkartea aurkituko du
• mendizaleak, natur inguru oparo eta ikusgarria
• artea nahi duenak, euskal arte berriaren biltoki adierazgarria dauka Arantzazun
• familiaren jaiak ospatzeko zerbitzu aukerakoa

Atsedentoki aparta duzu Arantzazu.