|
1181/82
|
Frantziskoren jaiotza Asisen; Pedro Bernardone merkatari aberatsaren eta madonna Picaren semerik zaharrena da. |
 |
|
1193/94
|
Klararen jaiotza Asisen, nobleziako familia batean; Favarone de Offreduccio eta Ortolanaren alaba da. |
|
|
1198
|
Lotario dei Conti di Segni kardinala izendatzen dute Aita santu, Inozentzio III.a deituraz. |
|
|
1200
|
Asisko herria eta burgesia garaile ateratzen dira noblezia feudalaren aurkako borrokan.
Seguru asko, urte honetan bertan Klararen familia Perugiara erbesteratzen da
|
|
|
1202
|
Gerra Asisko herri eta burgesiaren eta Perugia hiriaren artean, hemen aurkitu baitzuen babesa Asisko nobleziaren zatirik handienak. Asisko armada garaitua da, eta Frantzisko preso hartua. Urtebete ematen du preso. Hilabete luzeetan iraun zion gaixotasun bat harrapatu zuen. |
|
|
1205
|
Frantziskok hasiera ematen dio konbertsio-bideari: lepradunekin ikusten dugu eta Gurutziltzatuaren ahotsa entzuten du San Damianen: «Frantzisko, berri ezazu nire eliza, hondatzeko zorioan baitago».
Asis eta Perugiak bakea sinatzen dute, eta Klararen familia Asisa itzultzen da.
|
|
|
1206
|
Frantziskok uko egiten die aitaren ondasunei eta San Damiango elizatxoa berriztatzeari ekiten dio. |
|
|
|
1208
|
Frantziskori ebanjelio-bidea argitzen zaio, Pedro eta Bernardo, bere bi lehen lagunekin batera, Ebanjelioa kontsultatu ondoren.
Albitarren aurkako gurutzadaren hasiera.
|
|
|
1209/10
|
Inozentzio III.ak hitzez onartzen du Frantzisko eta lehen hamaika anaien “Bizi-asmoa” (propositum vitae).
|
|
|
1212
|
Klarak ihes egiten du gurasoen etxetik eta bere burua Jainkoari sagaratzen dio Portziunkulan Frantziskoren bitartez.
Alditxo batez Bastiako Abadesen San Paulo monasterioan eta Asis ondoko Pantzoko Sant’Angelon egon ondoren, Klara eta lagunak San Damianen jartzen dira bizitzen.
|
|
|
1215
|
Lateranoko IV. Kontzilioa, Erdi Aroko handiena. Beste erabakien artean, elkarte erlijioso berriak aurrez onarturiko erregelaren bat hartzera behartzen ditu. Frantziskoren elkarteari ez zaio erabakia ezartzen; Klara eta bere ahizpek, ordea, San Benediktoren Erregelaren pean jarri behar izan zuten. |
|
|
1216
|
Klarak, bere bokazioaren berezitasuna gordetzearren, Pobretasunaren Pribilegioa lortzen du Aita santu Inozentzio III.arengandik.
Inozentzio III.a uztailaren 16an hiltzen da, eta haren ordez Cencio Savelli kardinala hautatzen dute Aita santu, Honorio III.a izenaz.
|
|
|
1217
|
Portziunkulako Santa Marian eginiko Kapituluak Ordena probintziatan banatzea eta anaien lehen misio-bidalketa Europan zehar erabakitzen du.
Bosgarren Gurutzadaren hasiera (1217-21).
|
|
|
1219
|
Mendekosteko Kapituluak anaien bigarren bidalketa erabakitzen du. Frantzisko Ekialdera doa, hain zuzen gurutzatuen armada Damieta inguratzen ari dela. Frantzisko, bere baketze-misioan, Melek-el-Kamel sultanarengana aurkezten da.
Hugolino kardinalak konstituzioak (Hugolinoren Erregela) ematen dizkie San Damiango klaratarrei eta bertako inspiraziopean sortutako beste monasterioei.
Lehen bost frantziskotar martiriak, Marokon hilak.
Ekialdean dagoela Frantziskok berri kezkagarriak jasotzen ditu Ordenari buruz, eta Italiara itzultzen da.
Hugolino kardinala Ordenako babesle eta zaindari izendatua.
Frantziskok uko egiten dio Ordenako buru izateari, eta Pedro Cattani aukeratzen du bere ordezko, bikario tituluarekin.
|
|
|
1221
|
Guzmango Domingo, Anaia predikarien fundatzailea, hiltzen da Bolo-gnan.
Pedro Cattani hiltzen da, eta Anai Eliasek ordezkatzen du Bikario jeneral bezala. Urte honetako Kapituluan, urtez urte osatuz joan den erregelaren testua onartzen da (Erregela Bulda gabea edo 1 Er); Aita santuari aurkeztea zen asmoa, baiets zezan, baina ez zen horrela egin.
|
|
|
1222
|
Lastairen Kapitulu ospetsuaren data problablea: Frantziskoren eta ministro-taldearen arteko istilua, Erregelaren behin betiko idazkerari buruz.
|
|
|
1223
|
Urriaren 29an Honorio III.a Aita santuak, “Solet annuere” buldaz, Anaia txikien erregela baiesten du (Erregela Buldaduna edo 2 Er). Honetaz baliatuko da Klara, urte batzuk geroago, bere Erregela idazteko.
Natibitate jaiaren ospaketa Greccion.
|
|
|
1224
|
Irailean, Frantziskok zauriak hartzen ditu La Verna mendian. Bertan idazten ditu Jainko Gorenaren Gorespenak eta Anai Leoni Bedeinkapena. |
|
|
1226
|
Frantzisko Aingeruen Santa Marian hiltzen da, urriaren 3ko ilunabarrean. Biharamunean gorpua San Jorge elizara daramatela, San Damiandik igarotzen dira, hemen zain baitaude Klara eta ahizpak aita beneratuari azken agurra egiteko. |
|
|
1227
|
Honorio III.a Aita santua hiltzen da. Biharamunean Hugolino kardinala hautatzen dute aita santu, Gregorio IX.a izenaz. |
|
|
1228
|
Uztailaren 16an Gregorio IX.ak santu izendatzen du Frantzisko Asisen. Bide batez, bisita egiten dio Klarari San Damianen.
Irailaren 17an, Gregorio IX.ak Pobretasunaren Pribilegioa berresten die Klara eta ahizpei.
Zelanoko Tomasek Lehen Bizitza idazten du.
|
|
|
1230
|
San Frantziskoren gorpua beraren ohorez eraikitako Basilikara aldatzen dute. |
|
|
1232
|
Anai Elias Ministro jeneral aukeratzen dute. |
|
|
1234
|
Pragako Inesek, Bohemiako erregearen alabak, bere burua sagaratzen dio Kristori, Pragan fundatu duen “Damiandarren” monasterioan. Gutun-trukaketa aberatsa izango du Klararekin. |
|
|
1239
|
Erromako Kapitulu jeneralean, Gregorio IX.a bertan dela, Anai Elias kargutik kentzen dute, eta haren ordez kleriko bat aukeratzen dute lehen aldiz, Pisako Alberto. Elias, Aita santuak eskomikatu berri duen Frederiko II.aren ondoan babesten da. |
|
|
1244
|
Genoako kapituluan, Jesiko Keszentzio jeneralak Frantziskori buruzko dokumentu-bilketa berria bultzatzen du. |
|
|
1247
|
Argitara ematen da Inozentzio IV.ak “San Damiango Ordenako moja itxientzat” emandako erregela.
Zelanoko Tomasek San Frantziskoren Bigarren Bizitza idazten du.
|
|
|
1253
|
Abuztuaren 9an Inozentzio IV.ak bisita egiten dio hilzorian dagoen Klarari, eta honek idatziriko Ahizpa pobreen Erregela baiesten dio. Bi egun geroago hiltzen da Klara. Hileta-ospakizunean Inozentzio IV.a bera izango da batzar-buru, eta Asisko San Jorge elizan hobiratzen dute.
|
|
|
1254
|
Pariseko unibertsitatean, maisu sekularren eta mendikanteen arteko polemika pizten da. |
|
|
1255
|
Abuztuan, Santa Klararen kanonizazioa Agnaniko katedralean. |
