(Argazkia: cc by 4.0 Quincena Musical-Iñigo Ibáñez)Abuztuaren 21ean Donostiako Musika Hamabostaldia bueltan izan zen berriro Arantzazun. Oraingoan Alos Quartet izan dugu gurean.
Alos Quartet musika estilo besterenezin baten jabe bihurtu da azken hogeita bost urteotan, merezimendu osoz. Vienar saloia eta herriko plaza, musika klasikoa zein herrikoia elkar komunikatzean datza haien bertuteetako bat.
Kontzertu honetarako espreski, inoiz elkarrekin aritu ez diren eta euskal musikaren belaunaldi ezberdinen adierazgarri diren artistak bildu dituzte (Natxo de Felipe, Gorka Urbizu, Olaia Inziarte, Amorante, Iñar Sastre eta Amaia Elizaran), eurekin berariaz sortutako egitaraua interpretatzeko.
Interpreteak
Alos Quartet
Xabier Zeberio nyckelharpa, biolina eta musika zuzendaritza
Francisco Herrero biolina
Lorena Nuñez biola
Alejandro Saúl biolontxeloa
Iñigo Egia perkusioa
Ivan Alzate baxu elektrikoa
Natxo de Felipe ahotsa
Gorka Urbizu ahotsa
Olaia Inziarte ahotsa
Amorante ahotsa
Iñar Sastre pianoa
Amaia Elizaran dantza
Programa
“Hariz Harri”
Alos Quartet, Oskorri, Amorante, Zeberio, Urbizu eta abarren lanak
