berriak

Asis Topagunea

Martxoaren 15az geroztik, basilikako ateak itxita daude, eta eukaristiaren ospakizuna kendu egin da publikoari begira; era berean, itxita daude Asis topagunearen ateak, Gandiaga topagunearen ateak, Hospederia hotelaren ateak … eta, esaten den bezala, Arantzazun "ez da arimarik ikusten".

Jakina, Asis topagunea gure espiritualtasun-etxean zeuden konpromiso guztiak beste agindu batera arte atzeratu dira (topaketak, ikastaroak, erretiroak …); era berean, GANDIAGA Topagunea bilera-zentroak ateak itxi ditu eta talde, enpresa eta pertsonekin hartutako konpromisoak atzeratu ditu … eta gauza bera esaten da egun hauetan itxita dagoen Hospederia hotelari buruz.

 

Martxo honetarako programatuta zegoen Euskaltzaindiak eta Arantzazuko adiskideek antolatutako Fr. Luis Villasanteren jaiotzaren mendeurreneko ospakizuna ere atzeratu egin da; elkarrekinBilak programatu zituen hainbat topaketa ere kendu egin dira …

Hori esan ondoren, Santutegiko kronista garen aldetik, egoera hau eragiten ari den hausnarketa adierazi nahi dugu. Arantzazu egun batzuetarako edo hilabete batzuetarako itxita egotea ez da normala, ezta desiragarria ere, baina ez da larria.

Larria dena koronabirusak eragindako milaka pertsonen egoera da, baita haien senideena ere; larria da gaixotasun horren ondorioz hiltzen ari diren pertsonen kopurua; larria da egoera horrek familien artean eragiten ari den larritasuna, mina, bakardadea eta ziurgabetasuna; izan ere, murrizketen ondorioz, ezin dituzte behar bezala artatu beren senitartekoak, egoitzetan edo ospitalean barneratuta daudenak; larria da adineko pertsona askoren egoera, bakarrik baitaude beren etxeetan, laguntzarik eta baliabiderik gabe egoera horri aurre egiteko; enpresetatik kaleratuta langabezian geratuko diren milaka langileen egoera da larria; hilabete amaierara baliabide faltagatik iritsi ezin izango duten familia askoren egoera da larria; larria da enpresaburuen egoera, nahi izan arren, beren betebeharrak ezin baitituzte bete. 

Hau guztia bai dela larria. Oso larria da, eta Arantzazutik egoera horiei elkartasuna adieraztea eta "salus infirmorum" (gaixoen osasuna) den Amatxori otoitz egitea baino ez da geratzen, bere seme-alaba guztiak zaindu eta zaintzeko. Arantzazuko Ama, erregutu gure alde!

FaLang translation system by Faboba