...bila dabiltzan pertsonentzat
Horixe da Arantzazu: “bila dabiltzan pertsonentzako lekua”, eta horrela ulertzen dugu “Asis Topagunea” den gure espiritualitate guneak eman nahi duen zerbitzua ere:
- harrera egin eta lagundu beren bilaketetan, nonahi daudela eta nornahi direla, bizia oihukatzen edo kantatzen edo bilatzen dutenei, bertan sakontzeko;
- tarteak eskaini topaketarako norberarekin, besteekin eta gure bizitzen Jaun eta Artzainarekin, ibilbideei hasiera emanez, prozesuetan lagunduz, Jesusen Ebanjelioaren berri onak ezagutuz.
Hauxe eskaintzen dizugu Arantzazuko “Asis Topagunean”.